Fit mam Bëbee !

Fir Mammen an der Schwangerschaft / Fir Mamme mat hirem Bëbee an der Dro

Bass du grad schwanger ? Oder hues du schonn däi Puppelche gebuer an hues just déng Réckbildung ofgeschloss ? Du hues Loscht dech nees ze beweegen ? Zäit fir dech selwer, fir däi Kierper ze spieren, an dat alles ouni dir Suergen ëm e Babysitter ze maachen? Kee Problem, dann ass dëse Cours genau dat Richtegt fir dech !

Mir danze mat ganz einfache Schrëtt zu Pop, Dance, Hip-Hop a latäinamerikanesche Lidder, an droen eise Puppelchen dobäi an der Dro ganz no un eisem Kierper. De Fokus vum Konzept läit op der Mamm. Mir ënnerstëtzen d’Fraen, eppes fir sech selwer ze maachen ! En Danzworkout, deen Iech gutt deet, ouni Drock oder Stress, awer mat vill Spaass, Häerz a gläichzäiteg automatescher Flexibilitéit a Fitness.

Danzen – wéi mir et haut wëssen – huet e ganz positiven Effekt op Kierper, Geescht a Séil! Eise Kierper gëtt méi flexibel, an eis Muskelen, Seenen, Bänner, Koordinatioun a kardiovaskuläre System gi gestäerkt. Musek a Rhythmen hunn sech als gutt fir d’Séil bewisen, a wärend mir Gléckshormoner fräisetzen, ginn d’Stresshormoner vum alldeegleche Mammeliewen automatesch reduzéiert.
Och an der Schwangerschaft profitéiert äre Kierper vun dëse Beweegungen a bitt eng flott zousätzlech Virbereedung fir är Gebuert an déi Zäit dono.

Also komm laanscht an danz mat mir !

Ech freeë mech op dech !

Datumen (09:30-11:30 hrs):

03.02.2026 (Start)

10.02.2026

24.02.2026

03.03.2026

10.03.2026

Contact & Information :

Claudine Scholtes, Coordinatrice régionale
pynhqvar.fpubygrf@zra.yh / rygrersbehz.zneanpu@zra.yh
Tél. : 621 250 297