LU
Bass du grad schwanger? Oder hues du schonn däi Puppelche gebuer an hues just déng Réckbildung ofgeschloss? Du hues Loscht dech nees ze beweegen? Zäit fir dech selwer, fir däi Kierper ze spieren, an dat alles ouni dir Suergen ëm e Babysitter ze maachen? Kee Problem, dann ass dëse Cours genau dat Richtegt fir dech!
Mir danze mat ganz einfache Schrëtt zu Pop, Dance, Hip-Hop a latäinamerikanesche Lidder, an droen eise Puppelchen dobäi an der Dro ganz no un eisem Kierper. De Fokus vum Konzept läit op der Mamm. Mir ënnerstëtzen d’Fraen, eppes fir sech selwer ze maachen! En Danzworkout, deen Iech gutt deet, ouni Drock oder Stress, awer mat vill Spaass, Häerz a gläichzäiteg automatescher Flexibilitéit a Fitness.
Danzen – wéi mir et haut wëssen – huet e ganz positiven Effekt op Kierper, Geescht a Séil! Eise Kierper gëtt méi flexibel, an eis Muskelen, Seenen, Bänner, Koordinatioun a kardiovaskuläre System gi gestäerkt. Musek a Rhythmen hunn sech als gutt fir d’Séil bewisen, a wärend mir Gléckshormoner fräisetzen, ginn d’Stresshormoner vum alldeegleche Mammeliewen automatesch reduzéiert.
Och an der Schwangerschaft profitéiert äre Kierper vun dëse Beweegungen a bitt eng flott zousätzlech Virbereedung fir är Gebuert an déi Zäit dono.
Also komm laanscht an danz mat!
Ech freeë mech op dech!
Infos fir d’Mammen:
Do beweegungsfrëndlech Kleeder un
Denk un déng Dro fir däi Bëbee
De Bëbee netz e warm undoen fir ze danzen
Bréng gäeren Ersatzkleeder fir dech an däi Bëbee mat, well et werten Schweespärelen rullen 😉 (eventuell och e klengt Duch)
An bréng dir och gäeren eppes fir ze drénken mat.
Mir danzen Buerféiss 🙂 (noutfalls sin propper Turnschung och ok)
Gitt den Froebou an den Haftungsausschluss ausgefëllt an ënnerschriwwen bei eis of.
02/06/2026
09/06/2026
16/06/2026
30/06/2026
07/07/2026
Kontakt: