Am Kader vun der „Screen-Life-Balance“- Campagne vum Ministère fir Educatioun, Kanner a Jugend gouf de Serge Tisseron, Dokter an der Psychologie a Psychiater, invitéiert, fir op den Impakt vun der Bildschiermzäit op d’Entwécklung vu Kanner a Jugendlecher anzegoen. Hei goufe follgend Aspekter kritesch reflektéiert:
- Firwat ass et wichteg op den Alter vum Kand, d’Aart an de Contenu vun de Medien opzepassen?
- Wéi kënnen Elteren an Educateuren d’Zäit virum Bildschierm mat interaktiven Aktivitéiten ausgläichen, fir d’Entwécklung vum Kand ze fërderen?
- Wéi wierken digital Medie positiv a negativ op Jugendlecher?
- Wéi eng Roll spille Videospiller an der kognitiver a sozialer Entwécklung vu Kanner a Jugendlecher?
- Wéi kënne kritesch Denkfäegkeeten bei jonke Leit entwéckelt ginn, fir e sécheren Ëmgang mam Internet ze ënnerstëtzen?
- Wéi eng Risike bestinn duerch exzessiven Handysgebrauch vun den Elteren, a wéi beaflosst dat d’Bezéiung zu hire Kanner?
- Wéi kann een am ëffentleche Raum en equilibréierte Liewensstil fir Kanner a Jugendlecher ënnerstëtzen?
Dir hutt d’Konferenz de 7. November verpasst? Déi komplett Opzeechnung fannt Dir an der Online-Mediathéik hei.
Méi Informatiounen zur „Screen-Life-Balance“- Campagne fannt Dir https://secher.digital/fr/