Den Ëmgang mat Ecranen an digitalen Apparater ass Dag fir Dag een Theema bei Famillen. Digital Geräter bidden e Bléck op d’Welt a vereinfachen den Alldag. Mee se kënnen och Gefore mat sech bréngen an der Entwécklung vum Kand schueden, wa se onkontrolléiert an oniwwerluecht agesat ginn.
De Ministère fir Educatioun, Kanner a Jugend ënnerstëtzt Iech an der Sich nom richtegen Equiliber tëschent der digitaler an der reeller Welt fir Äert Kand.
Eis Kanner léiere vill, andeems se d’Verhale vun de Leit aus hirem Ëmfeld observéieren an nomaachen.
Loosst eis probéieren:
- den Ëmgang mat Ecrane wärend der gemeinsamer Zäit an der Famill, z. B. wärend de Molzechten, anzeschränken;
- eis Gewunnechten am Ëmgang mat den digitalen Apparater ze verbesseren;
- Kannersécherungsoutilen ze benotzen;
- un Informatiounsatelieren , déi am Eltereforum proposéiert ginn, deelzehuelen.
D'Campagne “Sécher.digital” vum Ministère fir Bildung, Kanner a Jugend bitt ugepasste Recommandatiounen fir d'Bildschiermzäit un, jee no Altersgrupp vun Ärem Kand:
- 0 bis 3 Joer: De Kontakt mat Ecrane komplett vermeiden
- 3 bis 6 Joer: Gëeegent Contenuen auswielen
- 6 bis 9 Joer: Den Ëmgang mat digitalen Apparater begleeden
- 9 bis 12 Joer: De Smartphone evitéieren
- 12 bis 15 Joer: Ze fréi fir d’sozial Medien!
- 15 Joer: Opmierksam bleiwen
Zousätzlech Recommandatiounen iwwert d'Notze vu Bildschiermer an der Famill fannt der am Elterebréif lettre aux parents: « Screen-Life-Balance »
Weider Informatiounen fannt der op www.sécher.digital