Kinomagie ass eng Aktivitéitsrei fir Famillen. Am Ufank gëtt et ëmmer eng kuerz Aféierung an de Film. D'Kanner an déi Erwuessen kréien kleng Aufgabe mat op de Wee, déi si wärend dem Kucke vum Film léise kënnen. Am uschléissende Gespréich gëtt op verschidde Personnagen, op d'Filmmusek oder op d'Kameraastellungen agaangen. Sou léieren d'Participanten, Filmer méi bewosst ze kucken a besser anzeschätzen. Och den Ëmgang mat Medien, besonnesch de Filmkonsum, gëtt thematiséiert.

Halloween ass eng flott Traditioun. Jidderee kann sech grujeleg verkleeden, vun Dier zu Dier goen a Séissegkeete sammelen. Mä wou kënnt dëst Fest eigentlech hier? Mir léieren eppes iwwer säin Urspronk a kucken zesummen de Film Coco, an deem et ëm d'Traditioune vum Dag vun den Doudege geet. Duerno schminke mir eis a genéissen natierlech och eppes Séisses a Saures.

De Film eegent sech fir Kanner ab 5 Joer.

Iwwer de Film

Coco – méi lieweg wéi d'Liewen

D'Geschicht erzielt vum zwielefjäregen Miguel, dee gär Musek maache wëll. Seng Famill ass awer schonn zënter Generatioune géint Musek, well säi Urururgrousspapp d'Famill fir d'Musek verlooss hat. Wéi de Miguel um Día de los Muertos ouni Erlaabnis d'Gittar vu sengem Idol Ernesto de la Cruz hëlt a spillt, geréit hien an d'Räich vun den Doudegen. Hien huet nëmme bis bei Sonnenopgang Zäit, fir de Fluch ze briechen an an seng eege Welt zeréckzekommen, soss verwandelt hie sech selwer an e Skelett. Well hien sech net tëscht Musek a Famill entscheede wëll, schléit hien en anere Wee an a kënnt dobäi laang verstoppt Familljegeheimnisser op d'Spuer.

Eisen Agenda

Kinozauber: Coco — méi lewendeg wéi d'Liewen

Kinomagie: Coco – méi lieweg wéi d'Liewen