Le Gouvernement du Grand-Duché de Luxembourg

luxembourg.lu   guichet.lu   gouvernement.lu   Other sites

Sensibiliséierung vun der Gläichberechtegung tëscht Fraen a Männer – Rockmega et MegaCatalogue

De Ministère fir Gläichberechtegung tëscht Fraen a Männer (MEGA) ass a 4 Haaptdepartementer opgedeelt: Gläichberechtegung an de Gemengen, Gläichberechtegung an der Aarbecht, Gläichberechtegung am sozialen Secteur a Gläichberechtegung an der Educatioun.

Wéinst dem politesche Wëlle vun enger Sensibiliséierung am fréien Alter vun der Gläichberechtegung tëscht Fraen a Männer, huet de MEGA duerch seng Responsabel fir Gläichberechtegung an der Educatioun eng Rei vun Aktivitéiten lancéiert a Materialien zesumme gestallt, déi speziell fir Kanner a Jugendlecher entworf gi sinn. D’Zil ass et, Meedercher a Jongen fier Geschlechtstereotypen ze sensibiliséieren, se an hirem Orientéierungsprozess z’ënnerstëtzen a sécherzestellen, datt déi selwescht Jonker hir perséinlech a berufflech Entwécklung kënne mat bestëmmen, onofhängeg vun Grenzen, déi mat hirem Geschlecht verbonne sinn.

De MEGA a seng Partner proposéieren eng Panoplie un Sensibiliséierungsmaterial, Atelieren oder Training fir Eenzelpersounen, Elteren a Familljen. E puer Beispiller fannt Dir ënnert : https://www.megacatalogue.lu/lu/start