Den Ëmgang mat Ecranen an digitalen Apparater ass Dag fir Dag een Theema bei Famillen. Digital Geräter bidden e Bléck op d’Welt a vereinfachen den Alldag. Mee se kënnen och Gefore mat sech bréngen an der Entwécklung vum Kand schueden, wa se onkontrolléiert an oniwwerluecht agesat ginn. De Ministère fir Educatioun, Kanner a Jugend ënnerstëtzt Iech an der Sich nom richtegen Equiliber tëschent der digitaler an der reeller Welt fir Äert Kand.
An dësem Elterebréif fannt Dir Recommandatiounen den Altersgruppen no fir e sécheren a verantwortungsbewossten Ëmgang mat der digitaler Welt. Dës Rotschléi sinn als Orientéierung geduecht an inspiréiere sech um Dr. Serge Tisseron sengen Aarbechten, engem franséische Psychiater a Psycholog, deen d’Buch 3-6-9-12+ Apprivoiser les écrans et grandir erausbruecht huet. Dir kënnt se natierlech un d’Sensibilitéit an déi individuell Besoine vun Ärem Kand upassen.
