Wéi och d’läscht Joer, huet d’YEP! (Kuerz fir Youth, Education & Professions) Schoulfoire Schüler aus dem Fondamental, esou wéi aus dem Secondaire, hir Elteren a Professioneller aus dem Educatiounssecteur agelueden, fir am Kader vun Atelieren divers Beruffsfelder virzestellen, oder op den Informatiounsstänn en Iwwerbléck iwwert déi national Schouloffer ze schafen.
Als Service vum Educatiounsministère, war den Eltereforum dës Kéier mat dobäi. Um zweeten Dag vun der Schoulfoire konnten, nieft de Schüler an de Professionellen aus dem Educatiounssecteur, och Famillen de Site vun der Foire entdecke – den Eltereforum huet sech iwwert den Austausch mat den Elteren an den Acteuren aus dem Educatiounsberäich gefreet!
Dir hutt d'Schoulfoire verpasst a braucht Informatiounen iwwert déi schoulech Offer a Orientéierungshëllefen hei am Land? Méi Informatioune fannt der hei: https://maison-orientation.public.lu/fr.html
